فرق السن بين الزوجين
الرسالة:
رأيك عشان الجواز
يكون ناجح الفرق في السن بين الراجل والست يكون قد ايه؟
الرد:
قالوا زمان أن الراجل لازم يكون أكبر من
البنت ب4 سنين مثلاً علشان يبقى فيه تواصل عقلي مقبول بين الأتنين.
وقالوا أن مينفعش البنت تبقى أكبر من الراجل
علشان ميتقالش عليه واخد واحدة قد امه من همه.
لكن الحقيقة، حالياً في أجيالنا في الوقت
الحالي، السن آخر حاجة ممكن الطرفين يحكموا بيها على مدى نجاح العلاقة من فشلها.
ممكن نلاقي واحد سنه كبير لكن عقله صغير،
ونلاقي حد صغير لكن دماغه كبيرة في التفكير، ويمكن كمان أكبر من سنه.
- طب إذاً منحكمش بناءً على السن في اختيار
شريك الحياة؟!
= لأ
ليه؟!، لأن لو التفكير متقارب، فالتغيرات
بتاعة السن بتكون أسرع في البنات أكتر من الرجالة، نتيجة مسئوليات بتشيلها في
البيت أكتر من الراجل.
فبما إن خير الأمور الوسط، اختاري القريب منك
في السن بس يكون أكبر بسنين قليلة -في حالة إنك بنت- علشان تبقوا مرتاحين حتى لما
السن يتقدم، ميبقاش فيه شعور أن الطرف التاني لسة شباب وأنا عجزت فيمكن يبص لحد
غيري.