هل حضنت طفلك اليوم؟!
ولقيت أنه فعلاً إحتياج لازم كل أب وكل أم
يكونوا بيحققوه، مش لبنتهم بس، لكن لأولادهم عموماً من الجنسين لأن فعل الحضن
نفسه، بيحمل جوا منه رسايل مهمة ومشاعر مفيش طفل أو مراهق يقدر يستغنى عنها لأنها
كمان ممكن تفيده في حياته بعدين.
•
• •
الحضن في أساسه ممكن مياخدش أكتر من 15
ثانية، ولو فيه مشاعر أكتر بكتير ممكن ياخد تقريباً مدة دقيقة كاملة، ولكن خلال
الثواني دي بينتقل مشاعر كتير من الشخص اللي بيحضن للي بيقع عليه الفعل نفسه.
•
• •
❞الحضن في الصغر كالنقش في القلب!❝
اعتبرها رسالة مهمة ليك كأب أو ليكي كأم، أن
حضنك لطفلك كل يوم هيوصل له رسايل مهمة زي أنه محبوب، زي أنه مميز، زي أنه جميل
مفهوش عيوب.
الطفل ممكن يوصل له طاقات سلبية من ناس كتير
حواليه، لكن ميستحملش أنه يحس أنه منبوذ أو مرفوض من حد من والديه.
•
• •
لكن الحضن «مش عمال على بطال» علشان ميفقدش أهميته أو حلاوته، لكن الإعتدال بيكون
مطلوب ومهم.
ابنك حزين؟، أحضنه، بنتك فرحانة بانجاز أو
حسيت أنها عملت إنجاز مهم؟، احضنها وعبر لها عن فرحتك بإنجازها ده، قدموا ليهم
الحب، قبل ما يدوروا عليه برا البيت، لأن لو بتخاف عليهم من أكل الشارع لأنه ممكن
يسبب لهم أمراض، فأكيد حب الشوارع ممكن يسبب كوارث!
'
✒️د.بولا وجيه